Zinda ho tum

Dilo mein tum apni betaabiyan le ke chal rhe ho toh zinda ho tum

Nazar mein khaabo ki bijliyaan le kar chal rhe ho toh zinda ho tum

Hawa ke jhokon ke jaise azad rehna seekho

Tum ek dariyan ke jaise lehron mein behna seekho

Har ek lamhe se tum milo khole apni baahein

Har ek pal ek naya samaa dekhe yeh nighaayein

Jo apni aakhon mein hairaaniya le ke chal rhe ho toh zinda ho tum

Dilo mein tum apni betaabiyan le ke chal rhe ho toh zinda ho tum....

Dil aakhir tu kyun rota hai...

Jab jab dard ka baadal chaya

Jab gum ka saaya lehraya

Jab aasun palko tak aaya

Jab yeh tanha dil ghabraya

Humne dil ko yeh samjhaya...

Dil tu aakhir kyun rota hai

Duniya mein yun hi hota hai

Yeh jo gehre sanaate hain

Waqt ne sab ko hi baatein hain

Thoda gum hai sabka kissa

Thodi dhoop hai sabka hissa

Aankh teri bekaar hi namm hai

Har pal ek naya mausam hai

Kyun tu aise pal khota hai

Dil aakhir tu kyun rota hai....

Ehsaas

Ek baat honto tak hai jo aayi nahi

Bas aankhon se hai jhaankti

Tumse kabhi...mujhse kabhi...kuch lavz hai woh maangti

Jin ko pehn ke hoonto tak aa jaaye woh

Aawaz ki baahon mein baahein daal ke ithlaaye woh

Lekon jo yeh ek baat hai...

Ehsaas hi ehsaas hai.

Khushboo si hai jaise hawa mein tairti

Khushboo jo beawaaz hai

Jiska pata tumko bhi hai...jiski khabar mujhko bhi hai

Duniya se bhi chupta nahi...

Yeh jaane kaisa raaz hai.

Yakeen

Pighle neelam sa behta hua yeh samah

Neeli neeli si khamoshiyan

Na kahin hai zameen...na kahin aasman

Sarsarati hui tehniyan...pattiyan

Keh rahi hain ki bas ek tum ho yahaan

Sirf main hoon...

Meri saansein hain aur meri dhadkanein

Aisi gehraiyaan...aisi tanhaiyaan...

Aur main...sirf main

Apne hone pe mujhko yakeen aa gaya.